काठमाडौं : नेपाली क्रिकेटर सन्दीप लामिछाने मंगलबार अष्ट्रेलिया प्रस्थान गरेका छन् ।
अष्ट्रेलियामा रहँदा सन्दीपले नेपाली क्रिकेटको विकाससँगै अन्य नेपाली खेलाडीलाई समेत प्रशिक्षणका लागि त्यहाँ वातावरण मिलाउने गरी छलफल गर्ने बताएका छन् । सन्दीप केही साताअघि मात्र इन्डियन प्रिमियर लिग खेलेर भारतबाट काठमाडौं फर्किएका हुन् । त्यसपछि गृहनगर चितवन पुगेर परिवारसँग केही दिन बिताएका सन्दीप अष्ट्रेलिया गएका हुन् ।
सन्दीपले अष्ट्रेलियाको बिगवास लिगमा मेलबर्न स्टार्सबाट खेलेका थिए । सन्दीप आगामी जुन दोस्रो साता नेपाल फर्कनेछन् ।
प्रकाशित मिति: मंगलबार, जेठ ७, २०७६ २३:११
