काठमाडौं। दक्षिण कोरियामा रोजगारीको चाहना राख्ने नेपाली युवाका लागि ईपीएस अन्तर्गतको कोरियन भाषा परीक्षाका लागि आवेदन खुला भएको छ।
श्रम, रोजगार तथा सामाजिक सुरक्षा मन्त्रालय अन्तर्गतको ईपीएस कोरिया शाखाले पहिलो चरणको भाषा परीक्षाका लागि ५,३०० कोटा तोकेको छ।
कोटा विवरण
३,५०० जना : उत्पादनमूलक उद्योग
१,८०० जना : कृषि तथा पशुपालन
नोट: एक जना आवेदकले एक मात्र क्षेत्रमा फारम भर्न पाउनेछन्।
कसले दिन सक्छन् आवेदन?
उमेर १८ देखि ३९ वर्षभित्र
फौजदारी अभियोगमा सजाय नपाएको
कोरियाबाट अवैध बसोबासका कारण फिर्ता नगरिएको
नेपाल सरकारले वैदेशिक रोजगारीमा रोक नलगाएको
महत्त्वपूर्ण मिति र प्रक्रिया
आवेदन मिति : साउन २६–३१
परीक्षा केन्द्र : काठमाडौं
पहिलो चरण : कोरियन भाषा परीक्षा
दोस्रो चरण : स्किल टेष्ट र कम्पिटेन्सी टेष्ट (उर्त्तीण भए मात्र रोजगारी आवेदन)
ईपीएस शाखाका अनुसार यो परीक्षा कोरियामा रोजगारी पाउने पहिलो चरण हो। भाषा र सीप परीक्षणमा सफल भएपछि मात्र अन्तिम रोजगारी आवेदन गर्न पाइन्छ।
प्रकाशित मिति: सोमबार, साउन २०, २०८२
