काठमाडौं । आउँदो फागुन २१ गतेका लागि तय गरिएको प्रतिनिधिसभा निर्वाचनमा सहभागी हुन प्रमुख राजनीतिक दलहरू तयार भएका छन्।
शनिबार प्रधानमन्त्री सुशीला कार्कीले बालुवाटारमा बोलाएको बैठकमा प्रमुख दलका शीर्ष नेताहरूले निर्वाचनमा जाने प्रतिबद्धता जनाएका हुन्।
बैठकपछि नेपाली कांग्रेसका सभापति एवं पूर्वप्रधानमन्त्री शेरबहादुर देउवाले सबै दल चुनावका लागि तयार रहेको बताएका छन्। “सबै राजनीतिक दल चुनावमा जान तयार भएका छौँ। कांग्रेस पनि रेडी छ, एमाले पनि रेडी छ, अन्य दलहरू पनि तयार छन्,” उनले भने, “अब सरकारले सुरक्षाको वातावरण सुनिश्चित गर्नुपर्छ।”
बैठकमा नेकपा एमाले र नेकपा माओवादी केन्द्रका शीर्ष नेताहरूले पनि निर्वाचन प्रक्रियामा सहभागी हुने प्रतिबद्धता व्यक्त गरेका छन्।
सरकारले निर्वाचनको मिति नजिकिँदै गर्दा राजनीतिक सहमति र सुरक्षा व्यवस्थालाई प्राथमिकतामा राखेर तयारी तीव्र बनाउने संकेत दिएको छ।
प्रकाशित मिति: शनिबार, पुस १२, २०८२
-1766845861.jpg)
