काठमाडौं । काठमाडौँ महानगरपालिकाका मेयर बालेन साहले आगामी निर्वाचनलाई लक्षित गर्दै राजनीतिक समन्वय तीव्र बनाएका छन्। उनले जेन–जी (Gen Z) समूहलाई एकीकृत गर्ने जिम्मेवारी अभियन्ता रक्षा बमलाई दिँदै अन्य स्वतन्त्र तथा चर्चित नेताहरूसँगको समन्वय आफूले गर्ने बताएका छन्।
बालेन निकट स्रोतका अनुसार हालै भएको छलफलमा उनले रक्षा बमसँग जेन–जी युवाहरूसँग संवाद र सहकार्य अगाडि बढाउन आग्रह गरेका हुन्। सोही छलफलमा बालेनले भनेका छन्, “तपाईं जेनजी सम्हाल्नुहोस्, गोपी हमालदेखि हर्क साम्पाङसम्म म मिलाउँछु।”
चुनावी तयारीलाई गति दिँदै बालेनले नयाँ पुस्ता र वैकल्पिक राजनीतिक धारका नेताहरूलाई एउटै मोर्चामा ल्याउने प्रयास गरिरहेको बुझिएको छ। जेनजी आन्दोलनबाट उदाएकी रक्षा बमसँगको सहकार्यलाई त्यसैको संकेतका रूपमा हेरिएको छ।
प्रकाशित मिति: बिहीबार, पुस १०, २०८२
