काठमाडौं । डा. सीके राउत नेतृत्वको जनमत पार्टीबाट अलग भई गठन गरिएको सर्वोदय पार्टी र ऊर्जामन्त्री कुलमान घिसिङ संरक्षक रहेको उज्यालो नेपाल पार्टीबीच चुनावी एकता भएको छ।
दीपक साह नेतृत्वको सर्वोदय पार्टीले उज्यालो नेपाल पार्टीसँग तीन बुँदे सहमतिसहित आगामी निर्वाचनमा सहकार्य गर्ने घोषणा गरेको हो।
दुई दलबीच भएको सहमतिअनुसार आगामी निर्वाचनमा साझा चुनाव चिन्ह ‘बलेको चिम’ प्रयोग गरिनेछ भने घोषणापत्र पनि संयुक्त रूपमा तयार पारिनेछ। साथै, नयाँ तथा वैकल्पिक राजनीतिक शक्तिहरूबीचको एकतालाई थप विस्तार गर्ने विषयमा समेत सहमति भएको जनाइएको छ।
चुनावी एकताले आगामी निर्वाचनमा वैकल्पिक धारको राजनीतिक शक्तिलाई सुदृढ बनाउने दाबी नेताहरूले गरेका छन्।
प्रकाशित मिति: बुधबार, पुस ९, २०८२
