काठमाडौं । राष्ट्रपति रामचन्द्र पौडेलको पहलमा शीतल निवासमा प्रधानमन्त्री सुशीला कार्की र प्रमुख तीन दलका शीर्ष नेताबीच छलफल जारी छ।
राष्ट्रपतिले सुरु गरेको संवादमा प्रधानमन्त्री कार्कीसँगै नेपाली कांग्रेस सभापति शेरबहादुर देउवा, नेकपा एमाले अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ सहभागी छन्।
प्रधानमन्त्री बनेपछि सुशीला कार्की र शीर्ष नेताबीच भएको यो पहिलो औपचारिक भेट हो। जेन–जी आन्दोलनको समर्थनमा प्रधानमन्त्री बनेकी कार्कीले यसअघि पुराना शीर्ष नेतासँग प्रत्यक्ष संवाद नगर्ने सार्वजनिक अभिव्यक्ति दिएकी थिइन्।
तर राष्ट्रपतिको पहलमा भएको यो भेटलाई पछिल्ला राजनीतिक तिक्तता कम गर्ने ‘आइस ब्रेक’का रूपमा हेरिएको छ। छलफलमा समसामयिक राजनीतिक अवस्था, सत्ता सञ्चालन र भावी सहकार्यका विषयमा संवाद भइरहेको बताइएको छ।
प्रकाशित मिति: मंगलबार, पुस ८, २०८२
