काठमाडौँ । धनुषाको बटेश्वर गाउँपालिकाको अध्यक्षकले बाटोमा फालेको ८ लाख रुपैयाँ अख्तियार दुरूपयोग अनुसन्धान आयोगले बरामद गरेको छ।
सोमवार आयोगको केन्द्रीय कार्यालयबाट खटिएकको टोलीले अध्यक्ष डम्बरबहादुर राउतले बाटोमा फालेको ८ लाख रुपैयाँ बराबरको रकम बरामद गरेको अख्तियार दुरुपयोग अनुसन्धान आयोगका प्रवक्ता नारायणप्रसाद रिसालले जानकारी दिएका छन्।
आयोगको टोलीले प्र–२–०२–००१ झ ०००२ नम्बरको सरकारी नम्बर प्लेटको गाडी र चालकलाई नियन्त्रणमा लिएको छ । अध्यक्ष राउत भने फरार छन्। गाउँपालिका अन्तर्गतको विकास निर्माणका योजनाहरूको कामको भुक्तानी दिन उनले ८ लाख रुपैयाँ कमिसनको रुपमा लिएको आयोगको अनुसन्धानमा खुलेको छ ।
अख्तियारको टोलीले अध्यक्ष राउतमाथि १० लाख रुपैयाँ कमिसन मागेको सूचना पाएपछि सोमबार दिउँसो साढे ४ बजेदेखि घेरामा हालेर छानविन सुरु गरेको थियो। करिब ३ घण्टाको छानबिन पछि अख्तियारको टोलीले गाडीबाट लाखौँ रकम बरामद गरेको हो।
प्रकाशित मिति: मंगलबार, फागुन १८, २०७७ १२:२२