काठमाडौं । सरकारले सञ्चार तथा सूचना प्रविधि मन्त्रालयमा सूचीकृत नभएका सामाजिक सञ्जाल बन्द गर्ने निर्णय गरेको छ।
आज बिहीबार सञ्चारमन्त्री पृथ्वीसुब्बा गुरुङको नेतृत्वमा बसेको बैठकले तोकिएको समयभित्र सूचीकरण नपर्ने सामाजिक सञ्जालमाथि प्रतिबन्ध लगाउने निर्णय गरेको हो।
सरकारले यसअघि सामाजिक सञ्जाललाई सूचीकरणका लागि सात दिनको समयसीमा दिएको थियो, जुन म्याद गएराति १२ बजे सकिएको छ। भदौ ९ गतेको मन्त्रिपरिषद् बैठकले सूचीकरणका लागि समयसीमा तोकेको थियो भने भदौ १२ गते सञ्चार मन्त्रालयले सूचना जारी गरेको थियो।
हालसम्म टिकटक, भाइबर, निम्बज, विटक र पोपो लाइभ मात्र सूचीकरणमा समावेश भएका छन्।
सर्वोच्च अदालतले पनि सूचीकृत नभएका सामाजिक सञ्जाल र ओटीटी एप्समा विज्ञापनसहित सामग्री प्रसारणमा रोक लगाउन र नियमनका लागि आवश्यक कानुन बनाउन सरकारलाई परमादेश दिएको थियो।
प्रकाशित मिति: बिहीबार, भदौ १९, २०८२
