काठमाडाैं : नेपाली कांग्रेसका सभापति शेरबहादुर देउवाले चुनावका बेला कृष्ण प्रसाद सिटौलालाई प्रचण्डसँग चुनावी तालमेलका लागि वार्तामा पठाएको तर मिलाउन नसकेपछि चुनाव हारेको बताएका छन् ।
शुक्रबार काठमाडौंमा आयोजित प्रजातान्त्रिक विचार समाजको ११ औं राष्ट्रिय महाधिवेशनमा बोल्दै देउवाले पुष्पकमल दाहाललाई मिलाउनका लागि चुनावका बेला वार्ताका पठाएको तर मिलाउन नसकेको बताउदै आफूलाई मात्र गाली नगर्न आग्रह गरे ।
उनले आफूलाई मात्रै आरोप लगाएर पार्टीका नेताहरुले गैरप्रजातान्त्रिक गतिविधि गरिरहेको आरोप पनि लगाए । उनले पार्टीलाई चुनावमा हराउनेहरु आफूविरुद्ध उभिएको दाबी गरे ।
चुनावमा पार्टीलाई हराउन सक्रिय तत्व नै अहिले बलशाली भएकाले पार्टी संकटमा फसेको उनको भनाइ थियो । देउवाले आफूमाथि आरोप लगाउन छोडेर आउँदो चुनावमा पार्टीलाई जिताउने गरी काममा जुटन पनि पार्टीका नेता–कार्यकर्तालाई निर्देशन दिए ।
सभापति देउवाले निर्वाचनमा पार्टीलाई हराउने अन्तरघातीहरुलाई कारबाही गर्न समेत आफूले पार्टीका नेताहरुबाट सहयोग नपाएको गुनासो पनि गुनासो गरे । उनले दुई कम्युनिष्ट पार्टी मिल्दा पार्टीले हारेको दोर्होयाए ।
प्रकाशित मिति: शुक्रबार, जेठ ३, २०७६ १९:५०