काठमाडौं ः नेपाल कम्युनिस्ट पार्टी (नेकपा)की राष्ट्रिय सभा सदस्य कोमल वलीले एक टेलिभिजन अन्तर्वार्ता क्रममा दिएको अभिव्यक्ति विवादमा आएपछि क्षमा मागेकी छन् । उनले दलित समुदायप्रति लक्षित उखान टुक्का प्रयोग गर्नु गल्ती भएको भन्दै आइन्दा यस्ता शब्द प्रयोगमा सचेत रहने बताएकी छन् ।
बदलिँदो समयमा त्यस्ता उखान प्रयोग गर्दा सबैले विशेष सावधानी अपनाउन जरुरी रहेको जनाएकी छन् ।
उनले बिहीबार विज्ञप्ति जारी गर्दै भनेकी छन्, ‘मैले चेतना पाएको छु, कार्यक्रममा मैले त्यो उखान कुनै एक समुदायको मन दुखाउन प्रयोग गरेकी थिइनँ । मैले प्रयोग गरेको उखानको शब्दले दिने अभिधार्थका कारण कसैलाई चोट पुगेको भए त्यसप्रति म क्षमायाचना गर्छु ।’ विज्ञप्तिमा भनिएको छ, ‘हिजोका कुविचार, कुव्याख्या तथा नमीठा शब्द, भनाइ, उखान, उत्पीडन, सोच विचार, मानसिकता परिवर्तन हुँदै जाऊन् । बदलिँदो समयमा त्यस्ता उखान प्रयोग गर्दा हामीले विशेष सावधानी अपनाउन जरुरी छ । यो प्रकरणबाट मैले त्यही चेतना पाएको छु ।’
प्रकाशित मिति: शुक्रबार, फागुन २४, २०७५
-1732776560.jpg)
