काठमाडौँ, असार २९ — विश्व शान्ति तथा एकीकृत परिवार संघले भानु जयन्तीको अवसरमा कविता वाचन कार्यक्रम आयोजना गरेको छ। संघको केन्द्रिय कार्यालय, काठमाडौँमा सम्पन्न उक्त कार्यक्रममा दक्षिण एसिया निर्देशक कृष्ण अधिकारीको सभापतित्व रहँदा प्रमुख अतिथिका रूपमा भीष्म उप्रेतिको उपस्थिति थियो ।
कार्यक्रममा चर्चित कविहरु सन्तोष कुमार पोखरेल, स्नेह सायमी, रञ्जना निरौला, कृष्ण बाउसे, भोजकुमार धमला, र रमी प्रिया सहित १८ जना अतिथि कविहरूले कविता वाचन गरेका थिए। साथै कार्यक्रममा सहभागी केही नव-प्रतिभा कविहरूले पनि आफ्नो सिर्जना प्रस्तुत गरेका थिए।
उक्त अवसरमा ‘शान्ति साहित्य सभा’ नामक नयाँ साहित्यिक संस्थाको उद्घाटन गरिएको छ। कवि रुपसिसिंह भण्डारीको संयोजकत्वमा स्थापना गरिएको सो संस्थाले प्रत्येक वर्ष एक जना उत्कृष्ट कविलाई रु. १,००,००० (एक लाख रुपैयाँ) को ‘शान्ति साहित्य पुरस्कार’ प्रदान गर्ने निर्णय गरेको छ।
कार्यक्रममा स्वागत मन्तव्य एच.बी. खत्रीले दिएका थिए भने, समाजसेवी विनोद डाँगीले धन्यवाद ज्ञापन गरेका थिए।
प्रकाशित मिति: सोमबार, असार ३०, २०८२
-1752488768.JPG)
