३ चैत, काठमाडौँ । युरोपका क्लबहरुबिचको प्रतिष्ठित प्रतियोगिता च्याम्पियन्स लिग फुटबलको यो वर्षको क्वाटरफाइनलमा पुग्ने टिमको टुंगो लागेको छ । बुधबार राति भएको खेलपछि समग्रमा जित निकाल्दै स्पेनिस क्लब एथ्लेटिको मड्रिड र फ्रेन्च क्लब मोनाकोले अन्तिम ८ मा स्थान बनाएपछि च्याम्पियन्स लिगको क्वाटरफाइनलमा पुग्ने टिम पूरा भएको हो । यसअघि रियल मड्रिड, बार्सिलोना, लेस्टर सिटी, बार्यन म्युनिख, युभेन्टस र बोरुसिया डर्टमुण्ड अन्तिम ८ मा पुगेका थिए । क्वाटरफाइनलको ड्र शुक्रबार हुनेछ । इंग्ल्याण्ड, इटाली र फ्रान्सका एक एक तथा जर्मनीका दुई तथा स्पेनका तीन क्लब अन्तिम ८ मा पुगेका छन् ।
प्रकाशित मिति: बुधबार, चैत २, २०७३
