भारत–पाकिस्तानबीच बढ्दो तनावलाई शान्तिपूर्ण वार्ताका माध्यमबाट समाधान गर्नुपर्ने नेपालले बताएको छ। नेपाल सरकारका तर्फबाट परराष्ट्र मन्त्रालयले बुधबार एक प्रेस विज्ञप्ति प्रकाशित गर्दै नेपालको यस्तो भनाइ आएको हो।
नेपाल सार्कको अध्यक्ष राष्ट्रसमेत हो। भारत–पाकिस्तानबीच बढ्दो तनावले ध्यानाकर्षण भएको नेपालले जनाएको छ।
विज्ञप्तिमा भनिएको छ, ‘पलवामामा भएको आतंकवादी हमलापछि भारत र पाकिस्तानबीच बढेको तानवलाई लिएर नेपाल सरकार चिन्तित छ । उक्त घृणित कार्यको हामीले निन्दा गरिसकेका छौं । सार्कको अध्यक्ष राष्ट्रका नाताले नेपाल दक्षिण एसियामा शान्ति र स्थायित्वको महत्वमा जोड दिन चाहन्छ । साथै दुवै पक्षलाई अधिकतम संयम अपनाउन र यस क्षेत्रमा शान्ति र सुरक्षामा खलल पुग्ने कार्य नगर्न आग्रह गर्दछ । साथै तनावलाई कम गरेर स्थिति सामान्यिकरण गर्नका लागि वार्ता र शान्तिपूर्ण माध्यममार्फत् समाधान खोज्न पनि आग्रह गर्दछौँ ।’
प्रकाशित मिति: बुधबार, फागुन १५, २०७५
-1732776560.jpg)
