जाजरकोट : बाँकेको नेपालगञ्जबाट रुकुम पश्चिम राडी बजारतर्फ जाँदै गरेको भे१ख १३२९ यात्रुवाहक बस भेरी नदीमा खसेर दुर्घटना भएको छ ।
आज बेलुका जाजरकोटको भेरी नगरपालिका- १ को खलङ्गा-रिम्ना सडकखण्डको पिपे नजिकबाट बस भेरीमा खसेको हो । यात्रुवाहक बसको चलानीअनुसार आठ जना यात्रु रहेका प्रमुख जिल्ला अधिकारी ललितकुमार बस्नेतले जानकारी दिए ।
उद्धारका लागि घटनास्थलमा प्रहरी परिचालन गरिएको छ । घटनास्थलमा रुकुम पश्चिमको चाइना बगरबाट प्रहरी उद्धारका लागि खटिएको प्रजिअ बस्नेतले बताए । रुकुम प्रहरीका अनुसार चार जनाको शव निकालिसकिएको छ ।
प्रकाशित मिति: बिहीबार, फागुन २, २०७५
