३० फागुन, काठमाडौँ । आइसिसी विश्व क्रिकेट लिग च्याम्पियसिपमा केन्याले नेपाललाई १५६ रनको विजय लक्ष्य प्रस्तुत गरेको छ । केन्याले ४६.१ ओभरमा पुरै विकेट गुमाउँदै १५५ रन जोड्न सफल भएको छ । नेपालका लागि शरद भेषवाकरले सबैभन्दा बढी चार विकेट लिए । त्यस्तै मोहमद आलम र बसन्त रेग्मीले दुई/दुई विकेट लिए भने, सागर पुन र सन्दिप लामिछानेले एक/एक विकेट लिए । अब केही बेरमा नेपालले व्याटिङ गर्नेछ । आज पनि कप्तान पारस खड्का खेलको छैनन् । नेपाली टोली ज्ञानेन्द्र मल्लको कप्तानीमा मैदानमा छ । केही दिन अघि पेटको शल्यक्रिया गरेका पारसको स्वास्थ्य अवस्था पूर्णतया फिट भइनसकेकाले केन्यासँगको पहिलो खेलमा पनि उनी खेलेका थिएनन् ।
प्रकाशित मिति: आइतबार, फागुन २९, २०७३
