–किरण मरहठ्ठा
अमेरिकन रेफ्र्री जीतु बस्नेतले बार्सीलोनाको जितलाई ‘विश्स्वासको जीतको संज्ञा दिदै क्लव फूटवलमा बार्सीलेनाले ‘फुटबलमा सबै सम्भव छ’ भन्ने सन्देश दिएको बताएका छन् । विगत एक दशकदेखि अमेरिकाको फुटबलमा रेफ्र्रीको काम गर्दै आइरहेका बस्नेतले बार्सीलोना विश्व नम्वर वान फुटबल क्लव भएता पनि पीएसजी जस्तो कडा प्रतिस्पर्धिसँग ४ गोलको कमब्याक असम्भव जस्तै हो भन्दै यो विजयले बार्सीलेनाले विश्व फुटबलमा नयाँ इतिहास लेख्न सफल भएको बताएका छन । ‘बार्सीलोनाको जीतले फुटबलमा सबैभन्दा शक्तिशाली तत्व भनेको जितको लागि भोको हुनु हो भन्ने कुरा पुनः स्थापित भएको छ’ अमेरिकाको नेसभिल्लेबाट उनले भने । नेसभिल्लेकै क्यामरुम हाइस्कुलमा फुटबल प्रशिक्षकको रुपमा सक्रिय रहेका बस्नेतले आफु कुनै पनि टिमको फ्यान नरहे पनि आफ्ना अधिकांश खेलाडीहरु बार्साको फ्यान रहेको र खेलको पहिलो हाफमा ज्यादै उल्साहित देखिएको तर एडिसन कभानीको अवे गोल पछि निराश बनेको बताए । ‘मेसीको पेनाल्टी पछि धेरै उल्साह छाएको थियो तर कभानीले क्याप नूमा गोल गरेपछि खेल बार्साको हातमा नरहेको अवस्था आयोे, तर जब बार्सीलोनाले जितेरै छाड्ने निणर्य गर्छ तब फुटबलको पनि केहि जोर चल्दैन ।’
झापाको भुटानी शरणर्थी शिविरमै छदाँदेखि नै फुटबल खेलाउन थालेका र अमेरिकामा आएपछि अमेरिकन फुटबल रेफ्रीको लाइसेन्स लिएर व्यवसायीक रुपमा एकहजार भन्दा धेरै खेल खेलाइ सकेका जीतुले अन्तिम मिनेटमा सर्जीयो रोबेटोले गरेको गोल संसारमै सबैभन्दा बढि हेरिने गोल हुने प्रतिक्रिया दिए । उनले उक्त गोलले फुटबल इतिहासलाई नयाँ मोड दिएको बताए । खेलाडीको आत्माविश्वास र प्रशंशकको साथले यो सबै सम्भव भएको हो । उनले भने ‘रोबेटोको गोल विश्व फुटबलमा विश्वासको प्रतिकको रुपमा रहने छ ।’
भिडियो यहाँ हेर्न सक्नुुहुनेछ ।
त्यस्तै यूनिभर्सिटि स्कुल अफ नेस्भिल्लेका प्रशिक्षक ड्यानियलले बार्साको जीत, खेलाडिको आत्माविश्वास प्रसंशकको सपोर्ट र प्रशिक्षकको रणनीतिको परिणाम भएको बताएका छन, इनरिकेले प्रिम्याच कन्फरेन्समा पीएसजीले ४ गोल हान्न सक्यो भने हामी ६ गोल हान्न सक्छौँ भनेर प्रंशशक र खेलाडिको मनोबल मात्र बढाएन् तीन चार तीनको रणनीतिलाई कायम राख्नु र पहिला कमजोर प्रदर्शन गरेका खेलाडिलाई बेञ्चमा राख्नु जस्ता महत्वपुर्ण निर्णण गरे जसले शुरुदेखि नै बार्साको आक्रमक शैलीले उत्कृष्ट रुप दियो । ‘यो जितले विश्वभरका खेलाडिको मनोबल बढाएको छ’ उनले भने । क्यमरुन स्कुलकै अर्का प्रशिक्षक टेलरले भने यो जितले आशाको दृढतालाइ पुनर्पुष्टि गरेको बताएका छन । ‘यो फुटबलको होइन आशाको जित हो र बार्सीलोना ९० मिनेटमा जुनसुकै चमत्कार गर्न सक्षम छ भन्ने गतिलो संदेश पनि हो’ उनले भने । –नेस्भिल्ले, अमेरिकाबाट किरण मरहठ्ठाको रिपोर्ट ।
प्रकाशित मिति: बिहीबार, फागुन २६, २०७३
