काठमाडौं । शहीद स्मारक ए डिभिजन लिगअन्तर्गत शुक्रबार भएको खेलमा नेपाल प्रहरीले तेस्रो जित निकालेको छ ।
सातदोबाटोमास्थित एन्फा कम्प्लेक्समा भएको खेलमा प्रहरीले एनआरटीलाई ३–० ले हरायो । प्रहरीका लागि नीर कुमार राईले दुई गोल गरे । ३० मिनेटसम्म गोलरहित बराबरी भएको खेलको ४० औं मिनेटमा प्रहरीले अग्रता लियो । नीरले हेडर गोल गर्दै पुलिसलाई अग्रता दिलाए ।
पहिलो हाफमा एक गोलको अग्रता बनाएको प्रहरीले दोस्रो हाफमा दुई गोल थप्यो । जसमा खेलको ६६ औं मिनेटमा अभिषेक रिजालले गोल गर्दै अग्रता दुई शून्यमा पुर्याए । त्यसपछि ८१ औं मिनेटमा प्रहरीले तेस्रो गोल गर्यो ।
यसपटक उसका लागि निरकुमार राईले व्यक्तिगत दोस्रो तथा टिमका लागि तेस्रो गोल गरे । त्यसपछि एनआरटी खेलमा फर्कन सकेन र प्रतियोगितामा चौथो हार ब्यहोर्यो । जितसँगै प्रहरी पाँच खेलबाट १० अंक बनाउँदै तेस्रो स्थानमा उक्लिएको छ ।
प्रकाशित मिति: बिहीबार, मंसिर १३, २०७५
