ब्युनस आइरिज । अर्जेन्टिनामा जारी कोपा लिबरटेडरेसको फाइनलका लागि रंगशाला जाँदै गरेका बोका जुनियर्सका खेलाडीमाथि बाटोमै आक्रमण भएको छ ।
विपक्षी टिम रिभर प्लेट क्लबका समर्थकहरुले उनीहरु चढेको बसमा आक्रमण गरेका हुन् ।
अर्जेन्टिनी क्लब फुटबलको इतिहासकै महत्वपूर्ण मध्ये एक मानिएको खेलको पूर्वसन्ध्यामा भएको सो आक्रमणबाट बोका जुनियर्सका केही खेलाडीहरु घाइते भएका छन् । उनीहरुमाथि ढुंगा तथा ग्याँस क्यानिस्टरले प्रहार गरिएको थियो ।
घटनापछि खेल स्थगित गरिएको र अब सो खेल आइतबार हुने जनाइएको छ ।
प्रकाशित मिति: शनिबार, मंसिर ८, २०७५
