२६ फागुन, काठमाडौँ । इङ्लिस प्रिमियर लिग फुटबलमा म्यानचेस्टर सिटीले दोस्रो स्थानमा उक्लिने अवसर गुमाएको छ । बुधबार राति भएको खेलमा स्टोक सिटीसँग गोलरहित बराबरीमा समेटिंदै म्यानचेस्टर सिटीले तालिकामा फड्को मार्ने अवसर गुमाएको हो । उक्त खेल जितेको भए सिटी टोटनह्यामलाई पछि पार्दै लिगको दोस्रो स्थानमा उक्लने थियो । घरेलु मैदानमा भएको खेलमा सिटीले स्टोकसँग एक(एक अंक बाँडेको हो । रातिको खेलपछि २७ खेलबाट ५६ अंक जोडेको म्यानचेस्टर सिटी तालिकाको तेस्रो स्थानमा छ । समान ५६ अंक नै भए पनि टोटनह्याम गोलअन्तरका आधारमा दोस्रो स्थानमा छ । शीर्ष स्थानको चेल्सीको भने २७ खेलबाट ६६ अंक छ ।
प्रकाशित मिति: बुधबार, फागुन २५, २०७३
