काठमाडौं । ओलम्पिक महिला फुटबलको एसिया छनोटको अन्तिम खेलमा आज नेपालले बंगलादेशसँग प्रतिस्पर्धा गर्दैछ ।
थुवुन्ना रंगशालामा स्थानीय समयानुसार दिउँसो ३ बजे हुने खेलमा नेपालले बंगलादेशलाई पराजित गर्न सकेमा नेपाल दोस्रो चरणमा प्रवेश गर्नेछ ।
आज हुने समूह सी कै अन्तिम खेलमा आयोजक म्यानमार र भारतमध्ये एक टिमले जित हात पारेमा नेपाल दोस्रो चरणमा प्रवेश गर्ने छ । तर दुबै टिमले बराबरी खेलेमा हेट टु हेडको आधारमा म्यानमार नेपाल र भारतमध्ये ३ टिम दोस्रो चरणमा प्रवेश गर्नेछ ।
आफ्नो पहिलो खेलमा भारतसँग १–१ गोलको बराबरी खेलेको नेपालले दोस्रो खेलमा बलियो प्रतिद्धन्दी म्यानमारसँग पनि १–१ गोलकै बराबरी खेल्दै नेपालले अंक बाँडेको थियो ।
प्रकाशित मिति: सोमबार, कात्तिक २६, २०७५
