काठमाडौं । फिफा बरियतामा नेपाल एक स्थान तल झरेको छ ।
विश्व फुटबलको सर्वोच्च संस्था (फिफा) ले आज सार्वजनिक गरेको बरियतामा नेपाल एक स्थान तल झर्दै १६१ औँ स्थानमा पुगेको छ । अघिल्लो महीना नेपाल १६०औँ स्थानमा थियो ।
दक्षिण एशियाली देशमा भारत सबैभन्दा माथि ९७अाैं, माल्दिभ्स १५१ अाैं, भूटान १८८आैं स्थानमा रहँदा बङ्गलादेश १९४आैं, पाकिस्तान १९९अाैं र श्रीलङ्का २०१आैं स्थानमा रहेका छन् ।
विश्व बरियतामा बेल्जियम शीर्ष स्थानमा अटाएको छ । विश्वकप विजेता फ्रान्स दोस्रो स्थानमा रहँदा ब्राजिल तेस्रो, क्रोएशिया चौँथो र इङ्ल्याण्ड पाँचौँ, छैटौँमा उरुग्वे, सातौँमा पोर्चुगल, आठौँमा स्वीट्जरल्याण्ड, नवौँमा स्पेन र दशौँमा डेनमार्क रहेका छन् ।
प्रकाशित मिति: बुधबार, कात्तिक ७, २०७५
