प्रतिक पौडेल, भैरहवा । तेस्रो अन्डर–१९ राष्ट्रिय इटहरी प्रिमियर लिगमा सहभागी हुने रोयल च्यालेन्जर भैरहवाको टोलीलाई विदाइ गरिएको छ ।
प्रदेश नं ५ का सांसद सन्तोष पाण्डेले टोलीलाई सफलताको शुभकामना दिदै मंगलबार बिदाइ गरेका हुन् ।
सिजन माकाजुको कप्तानीमा रहेको टोलीमा कुशल मल्ल उप कप्तान, सन्दिप केसी, प्रज्वल थापा, म्रिनल गुरुङ, बिकाश श्रेष्ठ, बिशाल खत्री, अजय लोनिया, तुल बहादुर थापा, रमेश कुर्मी, शुसान्त थापा, बिशाल भण्डारी, मोहम्मद हुशेन र रोशन चौधरी रहेका छन् ।
इटहरीमा कार्तिक ८ देखि १२ गतेसम्म हुने खेलमा रोयल च्यालेन्जर भैरहवासहित काठमाडौं, बिराटनगर, धनगढी, इटहरी क्रिकेट एकेडेमी र प्रदेश नं २ गरी ६ टोलीले क र ख समुह गरी लिगका आधारमा प्रतिस्पर्धा गर्नेछन् । त्यसमा दुई समुहको बिजेता र उपबिजेता हुने टोलीले सेमिफाइनल खेल्ने अवसरमा पाउने छ । भैरहवाले आफ्नो पहिलो खेल प्रदेश नं २ विरुद्ध कार्तिक ८ मा खेल्नेछ ।
टोली मंगलबार इटहरी प्रस्थान गरेको हो । भैरहवा टोलीको प्रशिक्षकमा मान बहादुर थापा तथा व्यवस्थापकमा एकलाख अहमद रहेका छन् ।
प्रकाशित मिति: मंगलबार, कात्तिक ६, २०७५
