ओपन एरामा ग्राउण्ड्सलाम टेनिसको उपाधि जित्ने पहिलो जापानी महिला खेलाडी बनेकी छिन्, नाओमी ओसाका ।
वर्षको चौथो तथा अन्तिम ग्राउण्ड्सलाम युएस ओपनमा सेरेना विलियम्सलाई २–० को सेटमा पराजित गर्दै ओसाकाले इतिहास रचेकी हुन् ।
आर्थर एस स्डेडियमा भएको फाइनलमा ओसाकाले आफ्नै आइडल सेरेनालाई ६–२, ६–४ ले सहजै हराइन् ।
सेरेनाले सन् १९९९ मा पहिलो पटक युएस ओपन जित्दा ओसाका २ वर्षका मात्र थिइन् । तिनै २० वर्षीय ओसाकाले सेरेनालाई २४औँ ग्राण्ड्सलाम जितबाट बन्चित गरिन् ।
‘युएस ओपन फाइनलमा सेरेनासँग खेल्नु मेरो लागि सँधैको समपना थियो, त्यसैलै त्यो अवसर पाउँदा म एकदमै खुशी छु,’ ओसाकाले भनिन् ।
प्रकाशित मिति: शनिबार, भदौ २३, २०७५
