काठमाडौं । एसिया कप छनोटको अन्तिम खेलमा नेपाल हङकङसँग ३ विकेटले पराजित भएको छ । यसअघि नेपाली टोली ओमान र युएईसँग पराजित भएको थियो ।
मंगलबारको खेलमा नेपाली टोलीको खराब प्रदर्शन रह्यो । क्वालालम्पुरको यूकेएम ओभलमा टस जितेर ब्याटिङ थालेको नेपालले ३७.५ ओभरमा सबै विकेट गुमाएर ९५ रन मात्र बनाउन सक्यो ।
हङकङले आफूले पाएको ९५ रनको झिनो लक्ष्य ३३ औं ओभरमा ७ विकेट गुमाएर पुरा र्गयो । हङकङका अंशुमान रथ एक्लैले ५२ रन बनाए । ८२ बलको सामना गरेका उनले तीन चौका र एक छक्का हाने । किन्चित शाहले ११ रनको योगदान दिए ।
नेपालका सन्दीप लामिछाने एक्लैले ५ विकेट लिएपनि टिमको हार टार्न सकेनन् ।
प्रकाशित मिति: सोमबार, भदौ १८, २०७५
