काठमाडौँ । एशिया कप छनौट अन्तरगत सिङ्गापुरले नेपाललाई १ सय ५२ रनको लक्ष्य दिएको छ ।
टस जितेर पहिलो ब्याटिङ रोजेको सिंगापुरले ४२ ओभरमा १ सय ५१ रन मात्र बनाउन सक्यो । खेलमा नेपालका बलरहरुको उत्कृष्ट बलिङ रहेको थियो ।
खराब सुरुवात खेलेको सिङ्गापुरका ८ ब्याट्सम्यानले दोहोरो अंकमा रन पनि जोड्न सकेनन् । दुवै ओपनरलाई सोमपाल कामीले चौथो ओभरभित्र पेभेलियन फर्काइदिएपछि कप्तान चेतन रामचन्द्र सूर्यवंशी तथा अनिश एडवार्ड पारामले सिङ्गापुरको पारीलाई सम्हाल्ने प्रयास गरे ।
खेलमा सूर्यवंशीले सर्वाधिक ६०, पारामले ३१, कार्तिकेन सुब्रमनियनले २० रन बनाए ।
आजको खेलमा ललित राजवंशी र सन्दीप लामिछानेले ३–३ विकेट लिए भने, सोमपालले २ र बसन्त रेग्मीले १ विकेट लिए ।
यसअघि, दुई खेल हारेको नेपाल आजको खेल जित्नै पर्ने दबाबमा रहेको छ ।
प्रकाशित मिति: शनिबार, भदौ १६, २०७५
