काठमाडौँ । मलेशियाको क्वालालम्पुरमा भएको एसिया कप छनोट खेलमा नेपाल युएईसँग पराजित भएको छ ।
यसअघि बुधबार ओमनसँग पराजित भएको नेपाली टोलीले लगातार दोस्रो पराजय व्यहोर्नु परेको छ ।
बिहीबार भएको खेलमा नेपाल युएईसँग ७८ रनले पराजित भएको छ । युएईले नेपाललाई दिएको २ सय ५५ रनको लक्ष्य नेपालले भेटाउन सकेन । नेपाल ४८.५ ओभरमा मात्र १७६ रनमा अलआउट हुन पुग्यो ।
नेपालका लागि सुवास खकुरेलले सर्वाधिक ५० रन बनाए भने दीपेन्द्र सिंह ऐरीले ४० तथा सोमपाल कामीले २७ रन बनाए ।
युएईका लागि अहमद राजाले ४ तथा मोहमद नाभिदले ३ विकेट लिए ।
आजको खेलमा नेपालले युएईविरुद्ध टस जितेर फिल्डिङ रोजेको थियो ।
प्रकाशित मिति: बुधबार, भदौ १३, २०७५
