काठमाडौं । इंग्लिस प्रिमियर लिग फुटबलमा डेल अलीको गोलसँगै टोटनहृयामले विजयी सुरुवात गरेको छ ।
शनिबार भएको आफ्नो पहिलो खेलमा टोटनहृयामले न्यूक्यासललाई २–१ गोल अन्तरले हराएको हो ।
न्यूक्यासलको घरेलु मैदानमा भएको खेलमा टोनहृयामले आठौं मिनेटमा जन भिटोङगनको गोलबाट अग्रता लिएको थियो ।
तर, यो धेरैवेर टिक्न सकेन । तीन मिनेटपछि नै जोसेलुले घरेलु टोलीका लागि बराबरी गोल फर्काए । खेलको १८ औं मिनेटमा अलीले टोटनहृयामलाई अग्रता दिलाए ।
खेलमा थप गोल हुन नसकेपनी सिजनको पहिलो खेलमा टोटनहृयाम २–१ गोल अन्तरको जित निकालेको छ ।
प्रकाशित मिति: शनिबार, साउन २६, २०७५
