दोस्रो अभ्यास खेलमा नेपाली क्रिकेट टिम सेन्ट क्रससँग पराजित भएको छ । कप्तान पारस खड्काबिना मैदानमा उत्रिएको नेपाली टोली १९ रनले पराजित भएको हो ।
१६९ रनको चुनौति पछ्याउँदै ब्याटिङ गरेको नेपालले निर्धारित २० ओभरमा ८ विकेटको क्षतिमा १४९ रन मात्रै बनाउन सक्यो । नेपालका लागि अनिलकुमार शाहले ५६ रनको अर्धशतकीय पारी खेले भने आरिफ शेखले ३४ रनको योगदान दिएका थिए ।
ज्ञानेन्द्र मल्ल १८, सोमपाल कामी १६ र सुवास खकुरेल १० रनमा आउट हुँदा शरद भेषवाकरी शुन्य र दीपेन्द्रसिहं ऐरी ३ र रोहित कुमार पौडेल १ रनमा आउट भए ।
यसअघि टस जितेर पहिले ब्याटिङ गरेको एसटी क्रसले निर्धारित २० ओभरमा ६ विकेटको क्षतिमा १६८ रन बनाएको थियो । एसटी क्रसका लागि जिम्मी आडम्सले ७२ रन बनाए । नेपालका लागि बसन्त रेग्मी र सोमपाल कामीले समान २–२ विकेट लिए ।
प्रकाशित मिति: सोमबार, साउन ७, २०७५
