काठमाडौं । उपराष्ट्रपति कप महिला राष्ट्रिय लिग फुटबल प्रतियोगिता आजदेखि सुरु हुँदैछ । अखिल नेपाल फुटबल संघ एन्फाको आयोजनामा हुन लागेको फुटबलमा ५ टिमको सहभागिता रहेको छ ।
प्रतियोगितामा ३ विभागीय सहित मोफसलका २ महिला टिमले सहभागिता जनाउँदैछन् । बिभागीय क्लबहरु एपीएफ, त्रिभुवन आर्मी, नेपाल पुलिसका साथै काठमाडौं फुटबल संघ र रौतहट फुटबल संघले प्रतिस्पर्धा गर्नेछन् ।
आज दिउँसो हुने पहिलो खेलमा पुलिस र आर्मी भिड्दैछन् भने दोस्रो खेलमा रौतहट र काठमाडौं आमने सामने हुनेछन् ।
आगामी साफ महिला फुटबलको छनौटका लागि प्रतियोगिता आयोजना गरिएको हो । प्रतियोगिता तयारीका लागि एन्फाले हरेक टिमलाई ५० हजार रुपैयाँ प्रदान गरेको पनि जनाएको छ । उपाधि विजेताले २ लाख पाउँदा उपविजेताले १ लाख ५० हजार पाउने छ ।
प्रकाशित मिति: आइतबार, साउन ६, २०७५
