विश्वकप फुटबल प्रतियोगिता अन्तर्गत क्वाटरफाइनलका खेलहरु आजबाट सुरु हुँदैछन् ।
नेपाली समय अनुसार आज साँझ पौने आठ बजे सुरु हुने पहिलो खेलमा उरुग्वे र फ्रान्स भिड्दैछन् । फ्रान्स गत संस्करणको उपविजेता अर्जेन्टिनालाई ४–३ ले पाखा लगाउँदै क्वाटरफाइनलमा पुगेको हो । यसैगरी उरुग्वेले पोर्चुगललाई २–१ ले पराजित गर्दै क्वाटरफाइनलमा पुगेको टिम हो ।
दोस्रो खेल राति ११ः४५ बजे ब्राजिल र बेल्जियमका बिचमा हुनेछ । यसअघि पाँच पटकको विश्वविजेता ब्राजिलले विश्वकपको यस संस्करणमा मेक्सिकोलाई २–० ले पराजित गरेको थियो भने बेल्जियमले जापानलाई ३–२ गोलअन्तरले हराएको थियो ।
क्वाटर फाइनलका विजेता टोली विश्वकपको सेमिफाइनलमा पुग्नेछन् ।
प्रकाशित मिति: बिहीबार, असार २१, २०७५
