विश्वकप फुटबलको रसियामा जारी २१ औं संस्करणमा प्रि क्वार्टर फाइनलका खेलहरु सकिएका छन् । सहभागी ३२ टिममध्ये अब क्वार्टर फाइनलका लागि ८ वटा राष्ट्रिय टिमहरु मात्र बाँकी रहेका छन् ।
क्वार्टरफाइनलमा पुग्ने टिमहरुमा फ्रान्स, उरुग्वे, रसिया, क्रोएसिया, ब्राजिल, बेल्जियम, ईंग्ल्याण्ड र स्वीडेन छन् ।
नेपाली समयअनुसार क्वार्टर फाइनल चरणको पहिलो खेल असार २२ गते शुक्रबार बेलुकी पौने ८ बजे उरुग्वे र फ्रान्सका बिचमा हुनेछ भने दोस्रो खेल राति पौने १२ बजे ब्राजिल र बेल्जियमका बिचमा हुनेछ ।
यस्तै, असार २३ गते शनिबार बेलुकी पौने ८ बजे स्वीडेन र इंग्ल्याण्ड तथा पौने १२ बजे आयोजक रसिया र क्रोएसिया आमने सामने हुनेछन् ।
विश्वकपको यस संस्करणमा उपाधिका दाबेदार केही टोलीहरु स्पेन, पोर्चुगल र अर्जेन्टिना अन्तिम १६ बाट अगाडि बढ्न सकेनन् । उनीहरुको विश्वकप यात्रा रोकिएको छ ।
प्रकाशित मिति: मंगलबार, असार १९, २०७५
