विश्वकप २०१८ को ट्रफीका लागि दाबेदार मानिएको अर्जेन्टिना यतिबेला दबाबमा छ । विश्वभर निकै समर्थक पाएको ठानिएको अर्जेन्टिनी टिमका लागि राउण्ड अफ सिक्स्टिनमा पुग्ने कत्तिको सम्भावना होला ? केही आशा र केही निराशाका बिच आज फैसला हुँदैछ ।
आज राति पौने १२ वजे अर्जेन्टिना र नाईजेरिया तथा आईसल्याण्ड र क्रोएसिया भिड्नेछन् । २ खेलबाट ६ अंक जोडेको क्रोएसिया यसअघि नैं राउण्ड अफ सिक्सटिनमा पुगिसकेको छ ।
३ अंक जोडेको नाईजेरिया तथा १/१ अंक जोडेका आईसल्याण्ड र अर्जेन्टिना पनि अर्को चरणमा पुग्ने होडमा जिवित छन् ।
अर्को चरणमा पुग्न अर्जेन्टिनाले आजको खेलमा नाईजेरियालाई हराउनुपर्नेछ । तर त्यति मात्र भएर पुग्नेछैन । अर्को खेलमा आईसल्याण्ड क्रोएसियासँग पराजित वा कम्तिमा बराबरीमा रोकिनुपर्नेछ ।
अर्जेन्टिना र आईसल्याण्ड दुबै टोली विजयी भएको अवस्थामा गोल अन्तरको आधारमा एक टोली छनोट हुनेछ ।
नाईजेरिया विजयी भएको अवस्थामा भने ऊ सोझै राउण्ड अफ सिक्स्टिनमा पुग्नेछ । यसको अर्थ अर्जेन्टिना र आईसल्याण्ड समुह चरणबाटै बाहिरिनेछन् ।
प्रकाशित मिति: सोमबार, असार ११, २०७५
