ब्राजिलियन स्टार खेलाडी नेइमारको खुट्टाको पुरानो चोट बल्झिएको छ । मंगलबार अभ्यासका क्रममा चोट बल्झिएपछि उनले फिजियोथेरापिस्टसँग उपचार लिइरहेको जनाइएको छ ।
पीएसजीबाट खेल्दै गर्दा गएको फेबु्रअरीमा नेइमारको खुट्टा भाँचिएको थियो । त्यसपछि लामो समय आराम गरेका नेइमार अझै पनि पूर्ण रुपमा निको भएका छैनन् ।
ब्राजिलियन फुटबल संघका प्रवक्ताका अनुसार नेइमारले बुधबार सामान्य अभ्यास गर्नेछन् ।
ब्राजिलले विश्वकप २०१८ को पहिलो खेलमा स्विट्जरल्याण्डसँग १–१ को बराबरी खेलेको थियो भने उसले अब अर्काे खेल शुक्रबार कोस्टारिकासँग खेल्दैछ ।
प्रकाशित मिति: मंगलबार, असार ५, २०७५
