रुसमा जारी विश्वकप फुटबलमा एशियाबाट सहभागी चार टिममध्ये तीन टिमको खराब सुरुवात भएको छ ।
यसअघि खेलको पहिलो दिन आयोजक राष्ट्र रुससँग साउदी अरेबिया पराजित भएको थियो भने तेस्रो दिनको खेलमा अष्ट्रेलिया फ्रान्ससँग पराजित भएको थियो ।
खेलको पाँचौ दिन स्वीडेनसँग १–० ले पराजित हुन पुगेपछि विश्वकपमा हार व्यहोर्ने दक्षिण कोरिया एसियाको तेस्रो राष्ट्र बनेको छ । खेलको ६५औं मिनेटमा पाएको पेनाल्टीमा स्वीडेनले गोल गरेको थियो ।
एसियाबाटै सहभागी समूह ‘एच’को जापानले मंगलबार कोलम्बियासँग खेल्नेछ । नेपाली समयानुसार आज साँझ ५ः४५ बजे कोलम्बियासँग जापानको रोमाञ्चक खेल हुदैछ ।
प्रकाशित मिति: सोमबार, असार ४, २०७५
