खेलप्रेमीहरुले लामो समयदेखि प्रतिक्षा गरिरहेको विश्वकप फुटबल आज सुरु हुदैछ । रसियामा आयोजना हुन गइरहेको विश्वकपको आज भव्य कार्यक्रमका बिच उद्घाटन हुदैछ ।
८० हजार दर्शक क्षमता भएको राजधानी मस्कोस्थित लुजनिकी स्टेडियममा इङ्गल्याण्डका पपस्टार राबी विलियम्स र स्पेनका ओपेरा गायक प्लासिडो डोमिगो सहित ५०० कलाकारको प्रस्तुति रहने छ ।
प्रतियोगिताको उद्घाटन खेलमा आज आयोजक रसिया र साउदी अरेबिया भिड्दैछन् । यो खेल नेपाली समयअनुसार बेलुका ८ः४५ मा सुरु हुनेछ । फिफा वरियता अनुसार विश्वकपमा सहभागि ३२ राष्ट्र मध्ये यी दुई टिम सबैभन्दा कमजोर रहेका छन् । यसअघि सन् १९९४ र सन् २००६ को विश्वकपमा समेत सहभागि भैसकेको साउदी अरेबियासँग खेल जित्न आयोजक राष्ट्र रसियाका लागि चुनौति देखिएको छ ।
विश्वकपमा सहभागी ३२ राष्ट्रहरुमध्ये यूरोपबाट १४, एसियाबाट ५, अफ्रिकाबाट ५, उत्तर अमेरिकाबाट ३ र दक्षिण अमेरिकाबाट ५ राष्ट्र सहभागी हुदैछन् । विश्वकप विजेताले ३८ मिलियन अमेरिकी डलर पुरस्कार पाउनेछ भने उपविजेताले २८ मिलिनय डलर पाउनेछ ।
प्रकाशित मिति: बुधबार, मंसिर १९, २०७५
