सातौ पटक आइपीएल फाइनलमा प्रबेश गरको चेन्नाइका बारे आइपिएल सुरुहुनु अगावै धेरैले प्रश्न उठाएका थिए । आइपीएल सुरु हुनु भन्दा अघि चेन्नाइका बारे धेरै उमेर भएका कारण एउटा प्रश्न उठ्ने गरेको थियो । तर, अहिले सबैलाई पार गर्दै प्ले अफमा सहज प्रबेश गरेको छ । मंगलबार सनराइजर्स हैदराबादलाई पराजित गर्दै सातौ पटक आइपिएल फाइनल प्रबेश गर्ने तयारीमा चेन्नाइ रहेको छ । चेन्नाइका लागि दुइवटा एडभान्टेज रहेका छन् । पहिलो त चार दिनको बिश्राम पछि मुम्बइमा खेल्दै छ । दोश्रो यदी मुम्बइमा हारि हाले पनि चेन्नाइले कोलकातामा खेल्ने छ । जहाँ कोलकाताको विगतको परिणाम एकदमै राम्रो छ ।
कप्तान महेन्द्र सिहं धोनी, रबिन्द्र जडेजा, सुरेस रैना, फाफ डु प्लेसिस र ड्वान ब्राभो सायद लामो समय आइपिएल खेल्ने छैनन् । यस कारण उनीहरु कोलकातासम्म पुग्न चाहदैन् । अर्को तर्फ सनराइजर्सले सुरुवातमा नै अन्य महंगा टोलीलाई अचम्ममा पारेर सुरुवात गरिसकेको थियो ।
छिटो उडान गरेको हैदराबादको विमान अहिले आएर संकटमा परे जस्तो छ । पछिल्ला तीन खेल हारे पछि हैदराबादको लय विग्रीए जस्तो देखिएको छ । चेन्नाइसंगको दुवै भेटमा पराजित हैदराबादको बलिङ आक्रमणले उत्थान र अबनती दुवै देखिएको छ । टोलीका सबैभन्दा भरपर्दा बलर रसिद खानले पछिल्ला चार मध्य तीन खेलमा विकेट लिन सकेनन् । यसै आइपिएलमा परेको प्रदर्शनका कारण इंग्ल्यान्ड भ्रमणमा जाने भारतीय टोलीमा समाबेश गरिएका सिद्धार्थ कौलले पछिल्ला चार मध्य तीन खेलमा ४० भन्दा बढी रन दिएका थिए । यती मात्र होइन, भुवनेश्वर कुमारले पनि लय गुमाइसकेका छन् ।
मनिस पाण्डे बास्तबीक लयमा छैनन् । हिपक होड्डा यस आइपिएलमा जम्न सकेका छैनन् । यस अबस्थामा युसुफ पठान पनि घाइते भए पछि थप समस्या परेको छ ।
हैदराबादसंगको खेलमा साम विलिङ्सको साटो डु प्लेसिस खेल्ने सम्भावना छ । पछिल्लो खेलमा उत्कृष्ट प्रदर्शन लुंगी एनगीडी टोलीमा यथाबत रहने निश्चित छ । यसैगरी, हैदराबादको टोलीमा पनि केही परिवर्तन हुने भएको छ । एलेक्स हेल्सको साटो गोश्वामी सुरुवाती ब्याट्सम्यान रहने छन् । सातौ क्रममा कार्लोस ब्राथह्वाइट र हेल्स मध्य एक खेल्ने छन् ।–एजेन्सी
प्रकाशित मिति: सोमबार, जेठ ७, २०७५
