काठमाडौं। सन् १९९८ को बिश्वकपमा स्पेनलाई असाध्यै बलियो टोलीको रुपमा हेरिने गरिन्थ्यो । तर, त्यसै टोली पहिलो चरणबाटै बाहीरिन पुगेको थियो । नाइजेरियासंग ३–२ को हार बाट विश्वकपको सुरुवात गरेको स्पेन दोश्रो खेलमा पनि पराग्वेसंग बराबरीमा रोकियो । त्यसोत यस भन्दा चार बर्ष अघिको बिश्वकपमा पनि स्पेन सानदार ढंगले पहिलो चरण पार गरे पनि बेस्ट लुजरको रुपमा दोश्रो चरणमा प्रबेश गरेको तथा स्पेन भन्दा कमजोर मानीएको इटालीसंग दोश्रो चरणमा पराजित भएको थियो ।
चार बर्ष अघिको त्यो पिडालाई भुल्दै धेरै लामो यात्रा तय गर्ने धुनमा रहेको स्पेनकालागि पहिलो चरणको बर्हिगमन अस्वभाबिक थियो । त्यसो त सन् २००२ को बिश्वकप सुरु हुनु भन्दा अघि उपाधिको सबै भन्दा बलियो दाबेदार मानीएका फ्रान्स र अर्जेन्टिना पहिलो चरणबाट बाहीरिएका थिए । प्राय ः हरेक बिश्वकप बलियो मानीएको कुनै एउटा टोली अस्वभाबिक परिणामको शिकार हुदै पहिलो चरणबाट बाहीरिने गरेका छन् । यसरी बाहीरिनेमा कुनै टोली आफ्नै कमजोरीका त कुनै टोली ग्रुप अफ डेथको शिकार हुदै बाहीरिने गरेका छन् । रुषमा १४ जुनबाट सुरु हुने यस पटकको बिश्वकपमा कुन बलियो टोली बाहीरिने सम्भवना छ ? त्यस तर्फ धेरैको नै ध्यान मोडीने गरेको छ ।
आठ समुह मध्य हेभीवेट टोलीको प्रभावै खासै नरहेको समुह एच हो । जहाँ पोल्यान्ड, सेनेगल, कोलम्बीया र जापान रहेका छन् । त्यसो त कुनै क्यारेबीयन र कुनै एसियाली टोली नभए पछि सो समुह स्वभाबिक रुपमा बलियो मानीन्छ । तर, पनि युरोपको पनि हेभिवेट टोली पोल्यान्ड नभएको कारण यो समुहले धेरैको ध्यान नतान्न सक्छ ।
समुह जीमा इंग्ल्यान्ड र बेल्जीयम दुइ बलिया टोली रहेका छन् भने ट्युनेसीया र पनामाबाट अप्रत्यासित नतीजाको अनुमान कम गरिएको छ । समुह एमा आयोजक रुष सहित उरुग्वे, साउदी अरेबीया र इजिप्ट रहेका छन् । यस समुहमा रुष र उरुग्वेका लागि त्यत्ति असहज मानीदैन ।
स्पेन र पोर्चुगल रहेको समुह बीमा इरान र मोरक्को रहेका छन् । यस समुहमा पनि दुइ ल्याटीन युरोपेली टोलीका लागि त्यत्ति धेरै असहज मानीएको छैन । यी समुहमा अनुमान गर्न सहज भए पनि अन्य केही समुह भने कठिन रहेका छन् । अर्जेन्टिना र क्रोसिया रहेको समुहडीमा आइसल्यान्ड र नाइजेरिया रहेका छन् । आइसल्यान्ड अस्वभाबिक परिणाम सहित बिश्वकपमा प्रबेश गरेको हो भने नाइजेरिया पनि अस्वभाबिक परिणाम पाउने टोलीको रुपमा रहेको छ ।
समुहसी अझ कठिन मानीएको छ । दुइ युरोपेली टोली रहेको फ्रान्स र डेनमार्क रहेका छन् भने अस्ट्रेलिया र पेरु पनि कमजोर मानीदैनन् । यी भन्दा समुह इ र एफ आसन्न बिश्वकपका सबैभन्दा कठिन समुह मानीएको छ । ब्राजिल रहेको यो समुहमा युरोपका दुइ टोली छन् । स्वीजरल्यान्ड र सर्बीया भएको यो टोलीमा त्रीपक्षिय प्रतिस्पर्धा हुने अनुमान गरिएको छ । यसैगरी, साविक विश्वविजेता जर्मनी रहेको समुह पनि कठिन मानीएको छ । स्वीडेन, मेक्सीको र दक्षिण कोरिया पनि बलिया देशको रुपमा रहेका छन् । -एजेन्सीको सहयोगमा
प्रकाशित मिति: बिहीबार, जेठ ३, २०७५
