काठमाडौं । आईसीसी विश्व क्रिकेट लिग डिभिजन टु अन्तर्गत समूह चरणको अन्तिम खेलमा अाज नेपाल क्यानडासँग प्रतिस्पर्धा गर्दै छ । नेपाल अाजको खेल जित्नै पर्ने दबाबमा खेल्दै छ । नेपाल अंकतालिकामा तेस्रो स्थानमा छ भने क्यानाडा पहिलो स्थानमा छ ।
नेपाली समयअनुसार सवा १ बजे सुरू हुने खेलमा नेपाले प्रतियोगिताको बलियो टोलि बिरूद्ध जित निकाल्ने दाउमा छ ।
पहिलो खेलमा नामिबियामाथि रोमाञ्चक जित निकालेको नेपालले दोस्रो खेलमा ओमानसँग पराजित भयो । तेस्रो खेलमा यूएईलाई हराएपछि विश्पकप छनोटको सम्भावना कायमै राखेको थियो ।
अहिले अंक तालिकाको शीर्ष तीन टिमको समान ६-६ अंक छ भने यूएईको चार अंक छ । आज नेपालले क्यानडासँग खेल्दा घरेलु टोलीले नामिबियाले यूएईको सामना गर्नेछ । यदि नेपालले जित्यो भने सोझै फाइनलसँगै विश्वकप छनोटमा स्थान पक्का गर्नेछ ।
हारले भने लगभग बाहिरिनेछ । एउटा अवस्थामा मात्र नेट रनरेट हेर्नु पर्ने हुन्छ । यदि नेपाल क्यानडासँग हार्यो र यूएईले नामिबियाले हरायो भने तीन टोलीको समान ६-६ अंक हुनेछ र नेट रन रेटका आधारमा नेपाल, नामिबिया र यूएईमध्ये एक टिमले फाइनलसँगै विश्वकप छनोटमा स्थान बनाउनेछ ।
तर, तीन वटै खेलमा झिनो अन्तरले जितेको नेपालको रनरेट सबैभन्दा कम छ ।
प्रकाशित मिति: मंगलबार, फागुन १, २०७४
