काठमाडौं । आइसीसी विश्व क्रिकेट लिग डिभिजन टूको दोस्रो खेलमा अाज नेपाल अोमानसँग भिड्दै छ । दिउसो सवा ९ बजे हुने खेलमा जित निकाल्दै नेपाल अंकतालिकामा अगाडि जाने होडमा छ ।
बिहीबार नामिविया विरुद्ध खेलेको मैदान एफिज पार्कमा नेपालले ओमान विरुद्ध प्रतिस्पर्धा गर्नेछ । बिहीबार भएको खेलमा नामिवियामाथि जित निकाल्दै नेपाल २ अंकका साथ तेस्रो स्थानमा छ । माथिका शीर्ष दुर्इ देश क्यानाडा र युएइ रनरेटका अाधारमा नेपाल भन्दा अगाडि छन् । क्यानाडा ८.७७४ रन रनरेटका साथ पहिलो र युएर्इ ४.३६० रनरेटका साथ दोस्रो स्थानमा छ । नेपालको ०.०५८ रनरेट छ ।
नेपाल र ओमान २००७ देखि एक अर्काका प्रतिद्वन्दी रहदै आएका छन । २००७ मा भएको एसीसी ट्रफिमा नेपालले ओमानलाई २ रनले हराएको थियो । तर त्यसको बदला ओमानले २००९ को एसीसी ट्रफिमा लिएका थियो । सो बेला नेपाल ओमानसँग १२ रनले हारेको थियो ।
२०११ को एसीसी ट्रफिमा पनि नेपाल ओमानसँग २ रनले हारेको थियो । २०१३ मा बर्मुडामा भएको आइसीसी विश्वकप क्रिकेट लिग डिभिजन ३ मा नेपाल च्याम्पियन बन्दा समूह चरणमा ओमानलाई हराएको थियो ।
यतिबेला ओमान डिभिजन ३ को च्याम्पियन बन्दै डिभिजन २ मा उक्लिएको हो भने नेपाल डिभिजन १ बाट झरेको हो ।
प्रकाशित मिति: बिहीबार, माघ २५, २०७४
