काठमाडौँ । युवा स्ट्राइकर विमल घर्तीमगर भारतीय कल्ब मोहन बगानमा अनुबन्धित भएका छन् । भारतको उच्च डिभिजन खेल्ने क्लब मोहन बगानले नेपाली युवा स्ट्राइकर विमल घर्तिमगरलाई अनुबन्ध गरेको हो।
मोहन वगानले एक विज्ञप्ति जारी गर्दै यस सिजनका लागि बिमललाई क्लबसँग अनुबन्ध गराएको जनाएको छ । ‘युरोपमा विभिन्न ठूला क्लबहरुमा ट्रायल दिएको तथा प्रशिक्षण गरेको अनुभव बिमलसँग भएकाले उनलाई क्लब भित्र्याउन पाउँदा खुशी महशुस गरेका छौँ,’विज्ञप्तिमा भनिएको छ ।
बिमलले नेदरल्याण्ड, बेल्जियम, स्पेनिस तथा फ्रान्चका क्लबहरुमा प्रशिक्षण तथा ट्रायल दिएका थिए। विमललार्इ क्लबमा अनुबन्धन गरे पनि उनले पारिश्रमिक कति पाउने भन्ने क्लबले खुलाएको छैन् ।
१४ वर्षको उमेरमा नेपाली राष्ट्रिय टोलीमा डेब्यु गरेका बिमल आइतबार कोलकत्ता आइपुग्ने र सोमबारबाट प्रशिक्षण सुरु गर्ने क्लबले जनाएको छ । विमलले क्लबमा सोनी नोर्डेको स्थान लिने छन् । यस अघि नोर्डेको स्थानमा पेन मिडफिल्डर पेन अाेर्जिलार्इ भित्राउने अपेक्षा गरिएको थियो । तर अोर्जीले भारतीय भिसा पाउन नसकेपछि उनको स्थानमा विमललार्इ भित्राइएको बताइएको छ । उनले अर्को साथता सिलोङ लाजोङसँगको खेलमा क्लबको लागि पहिलो खेल खेल्न सक्ने बताइएको छ ।
कलकत्ताको मोहनबगान अहिले ११ खेलबाट १७ अंकसहित तालिकाको चौथो स्थानमा छ। यसअघि नेपाली गोलकिपर किरण चेन्जोङलाई पनि आइलिग क्लब मोनेरेभा पञ्जाबले अनुबन्ध गरेको थियो।
प्रकाशित मिति: शनिबार, माघ १३, २०७४