३० पुस, काठमाडौँ । इंग्लिस क्लब म्यानचेस्टर युनाइटेड विश्वका महंगा फुटबलर नेइमारका लागि अहिलेको कीर्तिमानी रकम भन्दा दोब्बर बढी तिर्न तयार देखिएको छ । यहि सिजन स्पेनिस क्लब बार्सिलोनाबाट कीर्तिमानी मूल्य दुई सय २२ मिलियन युरोमा फ्रेन्च क्लब पेरिस सेन्ट–जर्मेन (पिएसजी) गएका नेइमारका लागि म्यानचेस्टर युनाइटेड चार सय ४४ मिलियन पाउण्ड तिर्न तयार भएको हो । नेइमारलाई क्लब भित्र्याउन रियल मड्रिड प्रयासरत रहेको र नेइमार पनि त्यसमा इच्छुक रहेको खबर सार्वजनिक भएको छ ।
प्रकाशित मिति: शनिबार, पुस २९, २०७४
