बुटवल । राष्ट्रिय स्वतन्त्र पार्टी (रास्वपा)का सभापति रवि लामिछानेलाई कारागारमै राख्ने आदेश जारी भएको छ। जिल्ला अदालत रुपन्देहीका न्यायाधीश नारायणप्रसाद सापकोटाको इजलासले सोमबार सुनुवाइपछि उनको जमानत निवेदन अस्वीकार गर्दै थुनामै राख्ने निर्णय सुनाएको हो।
बुटवलस्थित सुप्रिम सहकारी ठगी प्रकरणमा संलग्न भएको आरोपमा लामिछाने गत चैत २५ गतेदेखि रुपन्देही कारागारमा छन्। उनले आफू ठगीमा संलग्न नरहेको दाबी गर्दै, बचतकर्ताको रकम फिर्ता गराउने जिम्मा लिन तयार रहेको र आफ्नो भागको ठगी रकमको बिगोबापत २ करोड ७४ लाख ८४ हजार रुपैयाँको बैंक जमानत पनि बुझाएका थिए।
तर, अदालतले उच्च अदालत तुलसीपुर र सर्वोच्च अदालतले पूर्वमा गरेको आदेशलाई कायम राख्दै पुर्पक्षका लागि उनलाई थुनामै राख्ने आदेश दिएको हो।
प्रकाशित मिति: सोमबार, साउन २७, २०८२