१८ भदौ, काठमाडौँ । स्पेनिस खेलाडी शीर्ष बरियताका राफायल नाडालले युएस ओपन टेनिसको चौथो चरणमा पुगेका छन् । आइतबाार विहान भएको खेलमा अर्जेण्टिनाका लियोनार्दो मायरलाई ३–१ को सेटमा हराउँदै नाडाल चौँथो चरणमा पुगेका हुन् । पहिलो सेट ६–७ ले हारेपनि त्यसपछिका ३ सेट क्रमश ६–१, ६–१ र ६–४ को सेटमा जित्दै नाडालले उपाधि यात्रा कायमै राखेका हुन् । यस्तै महिलातर्फ विश्व नम्बर १ कारोलिना प्लिसकोभा युएस ओपनको तेश्रो चरण प्रवेश गरेकी छन् । पाखुराको चोटका बाबजुत उनले चीनिया सावी झ्याङलाई २–१ को सेटमा हराएकी हुन् । पहिलो सेट हारेकी कारोलिना दोश्रो सेटमा पनि ५–४ ले पछि परेकी थिइन तर त्यसपछी खेलमा फर्किदै उनले दोश्रो र तेश्रो सेट जित्दै अर्को चरणमा स्थान सुरक्षित गरिन् ।
प्रकाशित मिति: शनिबार, भदौ १७, २०७४
