९ भदौ, काठमाडौँ । नेपाल यू–१५ साफ फुटबलको फाइनलमा प्रवेश गरेको छ । शुक्रबार भएको सेमिफाइनलमा बंगलादेशलाई ४–२ गोल अन्तरले हराउँदै नेपाल फाइनलमा प्रवेश गरेको हो । सातदोबाटोस्थत एन्फा कम्प्लेक्समा भएको खेलमा नेपालका लागि आकाश बुढामगरले दुई, बिज्रेस चौधरी एक र बंगलादेशका नजमुल विश्वासले एक आत्मघाती गोल गरे । वंगलादेशले ७२ र ७३ मिनेटमा दुई गोल गरेको थियो । आजै भएको सेमिफाइनलको अर्को खेलमा भुटानलाई २–० ले हराउँदै भारत फाइनल प्रवेश गरेको छ । फाइनलमा नेपालले भारतको सामना गर्नेछ ।
प्रकाशित मिति: बिहीबार, भदौ ८, २०७४
