३० असार, काठमाडौँ । पन्ध्र वर्ष मुनिको साफ च्याम्पियनसिप फुटबलको खेल तालिका शुक्रबार सार्वजनिक भएको छ । प्रतियोगिता अन्तर्गतको पहिलो खेल बंगलादेश र श्रीलंकाबिच साउन ३ गते हुने दक्षिण एसियाली फुटबल संगठन साफले जनाएको छ । तालिका अनुसार नेपालले पहिलो खेल माल्दिभ्ससँग साउन ६ गते खेल्नेछ । त्यस्तै नेपालको दोस्रो खेल भारतसँग साउन ८ गते हुनेछ । नेपाल रहेको समूह बीमा भारत र माल्दिभ्स छ भने समूह ए मा बंगलादेश, भुटान र श्रीलंका छन् । दुबै समूहबाट शिर्ष दुई स्थानमा रहने देश सेमिफाइनल प्रवेश गर्नेछन् ।
प्रकाशित मिति: बिहीबार, असार २९, २०७४
