३० असार, काठमाडौँ । ब्रिटेनकी विश्व नम्बर ६ जोहना कोन्टा लण्डनमा जारी विम्बल्डनको सेमिफाइनलबाट बाहिरिएकी छिन् । महिला एकलतर्फको विहीबार भएको खेलमा कोन्टा पाँचपटककी विम्बल्डन विजेता भेनस विलियम्ससँग पराजित भएकी छिन् । भेनसले कोन्टाको चुनौती ६–४ र ६–२ को सोझो सेटमा पाखा लगाइन् । जितसंगै फाइनल प्रवेश गरेकी भेनसले स्पेनकी गार्बिन मुगुरुजासंग उपाधिका लागि भिड्नेछिन् ।
प्रकाशित मिति: बिहीबार, असार २९, २०७४