२४ वैशाख, काठमाडौँ । बार्सिलोनाका स्टार स्ट्राइकर लियोनल मेस्सी यो सिजन ५० भन्दा धेरै गोल गर्ने युरोपका शीर्ष पाँच लिगमा खेल्ने खेलाडी मध्ये पहिलो बनेका छन् । स्पेनिस ला लिगा अन्तर्गत शनिबार राति भिल्लारियलसँगको खेलमा मेस्सीले दुई गोल गर्दै यो सिजन ५० भन्दा धेरै गोल गर्ने पहिलो खेलाडी बनेका हुन् । उनले अहिलेसम्म सबै प्रतियोगितामा गरेर ५१ गोल गरेका छन् । मेस्सी युरोपका पाँच शीर्ष लिग (स्पेन, इंग्ल्याण्ड, इटाली, जर्मनी र फ्रान्स) मा खेल्ने खेलाडी मध्ये पहिलो ५१ गोल गर्ने पहिलो खेलाडी बनेका हुन् । मेस्सीले यो सिजन ला लिगामा अहिलेसम्म ३५, च्याम्पियन्स लिगमा ११, गोल कोपा डेलरेमा चार तथा स्पेनिस सुपर कपमा एक गोल गरेका हुन् । खेल जीवनमा मेस्सीले यो सहित पाँचौं सिजन ५० भन्दा धेरै गोल गरेका छन् । क्रिष्टियानो रोनाल्डोले अहिलेसम्म यो सिजन सबै प्रतियोगितामा गरेर ३५ गोल गरेका छन् । उनले ला लिगामा २०, कोपा डेल रेमा एक, च्याम्पियन्स लिगमा १० तथा क्लब वर्ल्ड कपमा चार गोल गरेका छन् ।
प्रकाशित मिति: शनिबार, वैशाख २३, २०७४
