–बिआर घिमिरे
रसुवा । बाइसौ वन्यजन्तु सप्ताहको अवसरमा आयोजना गरिएको खुल्ला आठौं रेडपण्डा ट्रफि भलिवल प्रतियोगिता हिजो सदरमुकाम धुन्चेमा सम्पन्न भएको छ । हिजो भएको फाइनल प्रतियोगितामा हरित युवा पर्यटन विकास समाज रसुवा (न्थ्त्म्क् ) ले जुनतारा ग्रेलाई पराजित गर्दै आठौ रेडपण्डा ट्रफि हात पार्न सफल भएको हो । राम्चे तेस्रो भएको छ । विजयि खेलाडिहरुलाई लाङटाङ राष्ट्रिय निकुञ्जका प्रमुख संरक्षण अधिकृत युवराज रेग्मी, लाङटाङ राष्ट्रिय निकुञ्ज मध्यवर्ती परिषदका अध्यक्ष तेम्पार्नुपु तामाङ पुर्व सभासद प्रेम तामाङले संयुक्त रुपमा पुरस्कार वितरण गरेका थिए । उपाधि विजेता टिमलाई नगद रु पचास हजार सहित ट्रफि, प्रमाणपत्र र मेडल प्रदान गरिएको थियो । उपविजेता टिमले नगद तिस हजार रुपैयाँ र प्रमाणपत्र र मेडल तेस्रो स्थान हुनेले विस हजार रुपैया प्रमाणपत्र र मेडल पाएका छन् । प्रतियोगितामा जिल्लाका १७ वटा टिमले सहभागिता जनाएका थिए । दुर्लभ वन्यजन्तुहरुको संरक्षण तथा प्रचार प्रसार गरि पर्यटन भित्रयाउनको लागि भलिवल प्रतियोगिता र संरक्षण उत्सव कार्यक्रहरु संचालन गरिएको लाङटाङ राष्ट्रिय निकुञ्जका प्रमुख संरक्षण अधिकृत युवराज रेग्मिले बताए । लाङटाङको पर्यटन दुर्लभ वन्यजन्तु र संरक्षण संग जोडिएको हुनाले आठ वर्ष देखि जिल्ला स्तरिय रेडपाण्डा शिल्ड भलिवल प्रतियोगिता र पाँच वर्ष देखि लाङटाङ पर्यटन तथा संरक्षण उत्सवले निरन्तरता पाइरहेको लाङटाङ क्षेत्र संरक्षण सरोकार समाजका अध्यक्ष सन्तोष घलेले बताए । विश्वमानै दुर्लभ रेडपाण्डाको लागि लाङटाङ राष्ट्रिय निकुञ्जको चोलाङपाटि, पोलाङपटि र ढोकाचेत उपयुक्त वासस्थान क्षेत्र रहेको छ ।
प्रकाशित मिति: शुक्रबार, वैशाख ८, २०७४
