३ वैशाख, कैलाली । धनगढी प्रिमियर लिग डिपिएल क्रिकेटमा आइतबार भएको दोस्रो खेलमा कञ्चनपुर आइकोनिक विजयी भएको छ । कञ्चनपुर आइकोनिकले सिवाइसी अत्तरियालाई ६ विकेटले हराएर विजयी भएको हो । पहिले व्याटिङ गरेको सिवाइसी अत्तरियाले कञ्चनपुर आइकोनिकसामु ८६ रनको लक्ष्य प्रस्तुत गरेको थियो । उसका लागि प्रदीप ऐरीले १९ र ज्ञानेन्द्र कुवरले १५ रन बनाउनु बाहेक अरुले राम्रो प्रदर्शन गर्न सकेनन् । कन्चनपुरका लागि अभिनाश कर्ण र सुनिल धमलाले समान ३–३ विकेट लिए सिवाइसीले दिएको लक्ष्य कञ्चनपुर आइकोनिकले १० ओभर मात्र ४ विकेट गुमाएर लक्ष्य भट्टायो । आइकोनिकका लागि विनोद भण्डारीले १६, सागर पुनले २२, सुनिल धमला २८ र हसिम अन्सारीले २२ रन बनाए । सिवाइसीका लागि विनोद लामाले दुई र ज्ञानेन्द्र कुवँरले एक विकेट लिए ।
प्रकाशित मिति: शनिबार, वैशाख २, २०७४
