२९ चैत, काठमाडौँ । इन्डियन प्रिमियर लिग (आइपीएल) क्रिकेटमा किंग्स इलेभेन पञ्जाबले लगातार दोस्रो जित दर्ता गरेको छ । रोयल च्यालेन्जर्स बैंग्लोरले भने लगातार दोस्रो हार व्यहोरेको छ । सोमबार राति इन्दौरमा भएको खेलमा पञ्जाबले बैंग्लोरलाई ८ विकेटले हरायो । खेलमा पहिले ब्याटिङ गरेको बैंग्लोरले ४ विकेटको क्षतिमा एक सय ४८ रन बनायो । बैंग्लोरका लागि दक्षिण अफ्रिकी ब्याट्सम्यान एबि डे भिल्लियर्सले अविजित ८९ रन जोड्दा मन्दिप सिंहले २८ रको योगदान दिए । जवाफमा एक सय ४९ रनको लक्ष्य पञ्जाबले १४ ओभर तीन बलमा दुई विकेटको क्षतिमा पुरा र्गयो । पञ्जावको लागि हशिम अमलाले अविजित ५८ रन तथा कप्तान ग्लेन म्याक्सवेलले अविजित ४३ रन जोडे ।
प्रकाशित मिति: सोमबार, चैत २८, २०७३
